Tað eru Hallgerð Næs Simonsen, Karina Nýggjagarð og Selma Jacobsen, sum leiða bólkin. Endamálið við bólkinum er, at fáa kvinnurnar at brenna fyri Jesus og hava eina trúgv, sum ber alt lívið. Tað verður gjørt við undirvísing, góðum felagsskapi, lovsangi og at tær eisini sjálvar fáa møguleikan at deila tað, sum tær uppliva.

Bólkurin byrjaði í januar og hevur møti í Norðoyggjum einaferð um mánan. Í mars høvdu vit so valt at lagt dent á Ester. So hølið var pyntað til høvið og Birgit Nónklett hevði lovsangin og so var tað Elisabeth Hvítklett, sum tosaði um Ester. Allar kvinnurnar fingu eisini ein pakka heim við ymiskum vørum innan vakurleikarøkt.
Kvinnur í dag kunnu læra nógv av Ester. Hon hevði álit á Gud og tók sína uppgávu upp á seg og var klók. Hon lurtaði eftir góðum ráðum, eisini tá ið hon var komin til drotningartignar.
Í eitt ár fyrireikaði Ester seg til at møta konginum, har hon fríðkaði seg. Vit skulu eisini í eitt brúdleyp, har vit(samkoma Kristusar) er brúðurin. Spurningurin er so, hvat brúka vit fyrireikingartíðina til, lata vit okkum reinsa, ella dálka vit okkum. Knappliga so byrjar brúdleypið, og tá ræður um at síggja gott út! Tit vita, at eg meini andaliga…

Næsta møtið hjá AglowArise verður 24. apríl, har Øydis Olsen talar og Signa Andersen leiðir lovsang.

Um tað eru kvinnur, ið eru áhugaðar at stovna slíkar bólkar í øðrum økjum í landinum, so kunnu tær venda sær til Hallgerð Næs Simonsen ella Elisabeth Hvítklett.

Myndir frá tiltakinum liggja undir “myndasavn”.

Tú krýnir árið við tíni góðsku, og vegir tínir dryppa av yvirflóð. Sálmur 65 v 12 (týtt úr enskum).

Tá Jane las hetta skriftbrotið í byrjanini av januar, hoppaði hjartað hennara av spenningi yvir, hvat Gud hevði í væntu fyri hana og fyri Aglow. Hon fyltist av vón, gleði og væntan.

Tey seldu teirra íbúð í desember, aftaná at hava bíða leingi. Tey tóku tað sum Guðs góðsku, aftaná at hava bíða leingi, so hendi tað knappliga. Hon tekur tað sum eina mynd uppá, hvussu Gud fer at arbeiða í ár.

Ting sum vit hava vóna og biðið um og ikki sæð eitt gjøgnumbrot fyri kunnu knappliga broytast, tí okkara vegir skulu dryppa av yvirflóð. Trúgv uppá  gjøgnumbrot í ár.

Løgið, hennara yndisur steðgaði nýliga á 5:10. Talið 15 er 5 + 10. 5 merkir náði, Guðs góðska og favør. 10 merkir vitnisburður. Okkara vitnisburður er at staðfesting og øking av Guðs lívið innaní okkum, leiðir frá  avmarking til fylling.

Síðan hennara ur steðgaði, helt hon tað vera áhugavert at hyggja at skriftbrotum í bíbliuni, sum vístu á 5,10. Hon fann 4, sum hon helt innihalda uppmuntringar fyri 2011.

Róm 5 v 10: Tí at so satt vit, tá ið vit vóru fíggindar, vóru sátt við Gud við deyða sonar hansara, so skulu vit so MIKIÐ heldur, tá ið vit eru sátt, verða frelst við lívi hansara.

Orðini MIKIР MEIRA  kemur 5 ferðir fyri í versinum 10-20.

1 Pætur 5 v 10:  Men Gud alra náðar, sum kallaði tykkum til sína ævigu dyrd í Kristi Jesusi, AFTANÁ  líðing eina stutta tíð, hann skal sjálvur gera tykkum fulldugandi, menna, styrkja, grundfesta tykkum.

Skriftbrotið tosar um at Gud skal gera okkum fulldugandi og grundfest aftaná vit hava liðið… Fleiri av okkum hava liðið í 2010.

Opinberingin 5 v 10 sigur: Og ( tú Jesus ) hevur gjørt okkum til kongar og til prestar fyri Gudi,  og vit skulu ráða á jørðini. Tað er ein veruleiki.

2 kongabók 5 vers 10:  Elisa sendi út til hansara hesi boð : Far og baða tær 7 ferðir í Jordan, so skal hold títt grøðast, og tú verður reinur.

Elisa vildi at Náman skuldi vita at tað var ein profetur í Ísrael.

Harrin talaði við Jane tá hon las hesi skriftbrotini, at ein sterkari profetisk rødd kemur at reisa seg í Aglow saman við einum frískum salvilsi av grøðing.

Trúgv at tað er ein frísk tíð ella nýggj tíð, og eitt salvilsi sum kemur, tá Gud sigur, at tað vil verða ein øking. Hann gevur okkum nakað nýtt í tí profetiska, í grøðing og fíggjarliga. Ver djørv. Trúgv og far ikki bakkandi inn í 2011.